Novas

O pasado 10 de decembro, na E.T.S. de Náutica e Máquinas da Coruña presentouse o estudo sobre a dixitalización das comunicacións marítimas. Un estudo elaborado por GRADIANT coa colaboración de Cellnex Telecom.

Ao acto asistiron, dende Cellnex Telecom, José Ángel Carmona, director do Service Operation Centre; Jesús Iglesias, xefe do Centro de Coordinación de Salvamento Marítimo da Coruña; Felipe Louzán, director da ETS Náutica y Máquinas e José Antonio Rodríguez Negro, da área de comunicacións avanzadas de GRADIANT.

Polarys é unha parte fundamental deste estudo porque como proxecto, naceu co obxectivo de aumentar a seguridade marítima e eficiencia na xestión da navegación e emerxencias, a través de VDES (VHF Data Exchange System) e dos seus sistemas complementarios.

Na seguinte ligazón pódese descargar a versión dixital do libro.

↓eBook

O pasado Luns 15 de Xullo, tras 4 anos de traballo, superamos satisfactoriamente a nosa derradeira auditoría. Ademais, a proba piloto que realizamos en Rianxo foi levada a cabo con total éxito. De todo isto facíase eco a Televisión de Galicia no telexornal mediodía, que estivo presente durante o despregue do noso sistema.

A proba consistiu en programar un voo automático, onde o noso UAV detectou o MOB enviando inmediatamente unha alerta e una imaxe mediante SIGFOX e VDES respectivamente, ao noso centro de control, onde o operador puido comprobar que ademais se marcou a posición da localización na cartografía.

O mércores 15 de maio levamos a cabo o ensaio xeral de POLARYS, probando de forma eficaz o funcionamento de todos os módulos e dispositivos incorporados.

Para a súa realización, puxéronse en marcha o caso de uso da localización de obxectos á deriva, na que a automatización do voo UAV estaba integrada na área elixida polo operador a través do software de control desenvolvido especialmente para el.

Unha vez feita esta proba, analizamos os datos recibidos para levar a cabo pequenos axustes na tecnoloxía que darán ao sistema unha maior robustez e eficiencia en todas e cada unha das funcionalidades que incorpora.

É hora de seguir traballando, pero podemos anunciar que estamos no bo camiño.

Mantémosvos informados.

Logo de varios meses de traballo intenso, o proxecto POLARYS chega cos deberes realizados a unha nova cita.

O próximo día 26 de Marzo, se acompaña o clima, desprazarémonos previsiblemente á Ría de Arousa, onde se levará a cabo un ensaio xeral do proxecto.

Probaremos o funcionamento de tódolos módulos desenvolvidos ata o momento, e a súa integración operativa como carga de pagamento do UAV. Tamén se comprobará a correcta interacción dos módulos entre si durante un caso de uso e algunha que outra sorpresa mais.

Seguimos adiante!

Tras varias semanas de duro traballo o proxecto avanza, e seguimos desenrolando todos e cada un dos elementos do sistema. Pero ademais diso, xa fai moito tempo tivemos unha data marcada no calendario.

Esta deuse o xoves día 15, tivemos a oportunidade de participar no Instituto Politécnico Marítimo Pesqueiro Atlántico de Vigo onde demos aínda máis a coñecer o proxecto. Alí mesmo esperábannos uns 200 futuros profesionais do mar, os que ofreceron unha ampla participación durante toda a sesión, na que se mostrou un gran interese en todo o que se refire á mellora da seguridade marítima, destacando a importancia do campo que nos ocupa.

Dende o consorcio só podemos agradecer aos profesores por estar tan interesados dende o inicio do proxecto. E por suposto, tamén a todos os participantes que pasaron parte do seu escaso tempo en coñecernos. Grazas a eles, Polarys, e todo o que representa o I + D + i na seguridade marítima, alcanzou aínda máis persoas.

¡De seguido engadiremos máis material esta semana!

O pasado día 13 de Xuño tivo lugar unha nova auditoría con CDTI onde mostramos o estado de POLARYS. Tras meses de moito traballo, hoxe amosámosvos os últimos desenvolvementos, co obxectivo a curto prazo de realizar unha demo real nos vindeiros meses, verificando a operatividade de tódolos elementos.

Módulo de planificación de voo.

Aquí podemos observar o que sería unha ruta sinxela de despegue e barrido dunha zona polo noso UAV.

Prototipo transceptor VDES

Unha das partes máis importantes e innovadoras do proxecto é o terminal VDES que se está a deseñar no proxecto, trátase dunha unidade completamente funcional que emprega tecnoloxía SDR (Software Defined Radio), o que facilitará a evolución e adaptación do terminal a novas versión do estándar VDES. Dentro do propio proxecto vaise levar a cabo unha miniaturización deste deseño modular que permitirá reducir o volume e peso para realizar a integración no UAV. A imaxe mostra o prototipo modular do terminal VDES realizado no proxecto.

 

GIS3D NEBOA

Como xa demos a coñecer anteriormente, o GIS3D será un dos nodos principais do proxecto, servindo de interface para o usuario e proporcionando un eficaz sistema de xestión e representación de brancos, alertas, planificador de voo, etc. Podemos adiantarvos cal será o seu nome; NÉBOA.

 

 Módulo embarcado de análise de vídeo.

Por último e non menos importante, o módulo embarcado de análise de vídeo. Este módulo inclúe unha cámara RGB e outra IR, ambas montadas sobre un sistema xiro-estabilizado sobre o UAV, así coma unha plataforma de procesado de baixo SWAP (size, weight and power) que permite detectar e xeo-localizar automaticamente obxectos na superficie da auga de interese para a navegación.

A continuación móstrase un vídeo ilustrando as capacidades de detección deste módulo.

Estes últimos días foron moi intensos. Por unha banda estivemos no Mobile World Congress 2018 en Barcelona, da man de Cellnex Telecom, dándonos a coñecer aos moitos visitantes que chegaron aos nosos stands.

Ademáis, o 16 de febreiro  reunímonos de novo na Coruña, na sede de Cellnex na cidade Herculina, ultimando as probas reais que levaremos en conxunto.

Seguimos aparecendo na prensa. Esta vez en La Voz de Galicia, o xornal con maior difusión da comunidade. Nesta ocasión ofrece máis información sobre Polarys, destacando a participación das empresas locais e a importancia dun proxecto desta magnitude.

Tamén aproveitamos para informar que a próxima reunión do consorcio traerá novidades.

Hoxe traemos una nova referencia, esta vez do grupo de comunicación de codigocero. Somos conscientes da repercusión que está tendo o noso proxecto, e isto non fai senón que incrementar as nosas ganas e ímpeto para o seu perfecto desenrolo.

En breve avanzarémosvos os novos fitos e desenrolos que terán lugar durante a próxima reunión do consorcio que terá lugar a finais deste mesmo mes de xaneiro.

Polarys colle altura! Engadimos os últimos vídeos das probas efectuadas: